Vopnafj�r�ur - Fr�ttir

�ar sem himininn fr�s vi� j�r�

Tue, 21 Feb 2012 09:15:00 +0000

Það veður kynning á þessari merkilegu ferð nokkurra félaga á heimskautaslóðir Norður Kanada í félagsheimilinu Miklagarði á morgun kl 20:00.
Norðurslóðir búa yfir mikilli náttúrufegurð og tækifærum. Þær skipta sífellt meira máli fyrir framtíð okkar allra og verða æ meira áberandi í allri umræðu um náttúruvernd, nýtingu auðlinda og samgöngur.

Hér segir frá för nokkurra Íslendinga á heimsskautsslóðir Norður-Kanada. Þeir könnuðu víðfeðm landsvæði sem mjög fáir Íslendingar hafa heimsótt áður og eru okkur framandi. Hugrekki, þolgæði og áratuga löng reynsla af ferðum um hálendi Íslands kom þeim áfram yfir mjög erfiðar torfærur. Sagt er frá náttúruskilyrðum og fólki sem þeir hittu á leiðinni. Athygli er einnig beint að sögu landkönnuða fyrri alda sem lögðu leið sína um þessar miskunnarlausu en töfrandi slóðir og máttu oft gjalda það dýru verði.

Bókina prýðir mikill fjöldi stórglæsilegra ljósmynda sem teknar voru í leiðangrinum. Auk þess fylgir henni rúmlega klukkustundar löng heimildarkvikmynd.

Tveir fluttir � sj�krah�s.

Tue, 21 Feb 2012 08:53:00 +0000

Tveir voru fluttir með sjúkraflugi til Akureyrar í nótt eftir ammoníakleka í milljón. Leiðslur í frystiskáp gáfu sig og lak ammoníak út sem starfsmennirnir önduðu að sér. Þeim mun ekki hafa orðið alvarlega meint af og eru á leið heim af sjúkrahúsinu. Frysting er hafin að nýju eftir að búið var að lofta út og gera við það sem bilaði og er nú verið að frysta úr Ingunni en Faxi bíður eftir löndun.

Einn einn tveir dagurinn, 112: Ekki hika � hringdu til �ryggis

Sat, 11 Feb 2012 19:05:00 +0000

112 - einn einn tveir dagurinn var haldinn hátíðlegur á Vopnafirði eins og víðar um landið í dag. Allir Viðbragðsaðilar á Vopnafirði komu saman upp í slökkvistöð og héldu saman upp á daginn og buðu upp á kaffihlaðborð en slysavarnarkonur sáu um kræsingarnar eins og þeim er einum lagið. Farinn var einn hringur um bæinn á þeim tækjum sem tiltæk eru hér og er það glæsilegur floti sem við höfum yfir að ráða. Þegar hringnum var lokað upp í slökkvistöð var stóð öllum það til boða að skoða tæki og tól og var það mjög vinsælt af yngri kynslóðinni eins og gefur að skilja. Slagorð dagsins er 112: Ekki hika – hringdu til öryggis.

Hér er myndskeið frá deginum

Blakgellur sv�fa

Tue, 24 Jan 2012 17:32:00 +0000

Eins og flestir kallmenn hér í þorpinu vita þá stunda konur hér á Vopnafirði blakíþróttina af miklum móð. Þær hafa staðið sig vel á þeim blakmótum sem þær hafa tekið þátt í að undanförnu og gerðu góða ferð austur á firði um síðustu helgi en þar höfnuðu þær í 3 sæti á sterku blakmóti.

Þessi blakeldmóður sem konur okkar hafa sýnt undanfarna vetur hefur leitt til þess að við karlmennirnir höfum verið miklu virkari í heimilishaldinu og uppeldi barna en gengur og gerist og alls ekki óalgengt að sjá jafnvel tvo eða þrjá feður saman úti að ganga með börnum sínum meðan Fjaðrirnar svífa um blakvellina.

Á næsta laugardaginn verða „Blakfeður“ með kökubasar til styrktar konum sínum í félagsheimilinu en sú hugmynd kviknaði hjá einum föðurnum þegar hann sá allar kökurnar sem höfðu hrúgast upp eftir bakstur helgarinnar.

L�fi� er Millj�n.

Thu, 05 Jan 2012 22:30:00 +0000

Það var allt að komast á skrið þegar ég kom við í Milljón í kvöld og allt gekk að óskum eftir Jólastoppið. Þetta er ágætis loðna en einhver átuvottur sagði einhver en vel hæf í frystingu. Þær Guðfinna og Steina voru á fullu að taka prufur, Víðir vakti yfir flokkurunum en Helgi M klappaði pokavélunum eins og um stelpu að norðan væri um að ræða. Vertíðin er vonandi komin á fullt og allir verða uppteknir fram á vorið, í vinnu.

Fyrsta lo�nan komin � land � Vopnafir�i.

Thu, 05 Jan 2012 13:48:00 +0000

Í hádeginu í dag kom Lundey NS með um 1000 tonn af fallegri loðnu sem veiddist Austur úr Langanesi. Fékkst aflinn í þremur holum svo eitthvað er að finna á svæðinu. Nokkur skip eru í hnapp austur af nesinu og eru að fá ágætis afla.

Vara� vi� stormi.

Sat, 24 Dec 2011 11:14:00 +0000

Veðurstofa Íslands spáir aftakaveðri um allt land í dag, fyrst vestanlands, en svo mun verra fyrir norðan og austan þegar líður á daginn. Það er búið að vera austanfíla í morgun hér á Vopnafirði en núna er hann að snúa sér í suðvestan en það verður væntanlega gott veður fram yfir 18 en fljótlega eftir það gengur í norðvestan hvassviðri og það ætti að standa sem hæst á milli 21 og 23 en lægir svo fljótt og verður suðvestan gola í fyrramálið.

Kvenf�lagi� Lindin leitar eftir ums�knum.

Thu, 08 Dec 2011 13:11:00 +0000

Nú er komið að árlegri úthlutun styrkja Menntasjóðs Lindarinnar. Þetta er í 14 skipti sem sjóðurinn styrkir námsfólk. Alls hafa 36 einstaklingar hlotið styrki, 35 konur og einn karl. Forgang að styrkjum hafa konur. Umsóknir skulu berast eigi síðar en 23. desember 2011 til Ágústu Þorkelsdóttur, Steingerðar Steingrímsdóttur eða Þórunnar Egilsdóttur.

Grunnsk�lab�rn f� endurskinsmerki og Ney�arkall.

Wed, 07 Dec 2011 12:41:00 +0000

Í morgun fóru fulltrúar frá björgunarsveitinni Vopna og Slysavarnardeildinni Sjöfn í alla bekki grunnskólans á Vopnafirði og gáfu börnunum endurskinsmerki og Neyðarkall. Þessar heimsóknir eru hluti af árlegum forvarnarverkefnum slysavarnardeildarinnar Sjafnar og Vopni fékk fyrirtækin Bílar og Vélar, Bræður ehf og Háahraun til gefa Neyðarkallana. Mikil ánægja var meðal barnanna þegar Hrönn frá Sjöfn og Jón frá Vopna komu færandi hendi í morgun.

Sjáumst í umferðinni og notum endurskinsmerki.

Vopnafjar�arhreppur b�inn a� selja allan hlut sinn � HB Granda.

Mon, 05 Dec 2011 22:33:00 +0000

Síðasta föstudag seldu Vopnfirðingar allan sinn hlut í útgerðarfélaginu HB Granda. Þetta kemur fram á vefnum visr.is í kvöld. Þar kemur fram að Vopnarfjarðarhreppur hafi selt hlut sinn í Granda fyrir tæplega hálfan milljarð króna. Sveitarstjóri hreppsins segir söluna styrkja fjárhag sveitarfélagsins verulega.

Samkvæmt visir.is gekk sala sveitarfélagsins á hlutnum gegn sl. föstudag, en samanlagður hlutur hreppsins og Skiphólma ehf., félags í eigu hans, nam um 2,5 prósentum af heildarhlutafé.

Samkvæmt fundargerð Vopnafjarðarhrepps frá 29. nóvember sl. var það verðbréfafyrirtækið Virðing sem nálgaðist hreppinn með sölu á bréfunum í huga. Viðskiptin voru síðan samþykkt í kjölfarið. Ekki liggja enn fyrir upplýsingar um hver keypti bréfin en það mun vafalítið skýrast í vikunni þegar nýr listi yfir tuttugu stærstu hluthafa verður birtur í Kauphöll Íslands.

Sveitarfélagið selur hlut sinn á genginu 12,1 en samkvæmt ársreikningi Vopnafjarðarhrepps var hluturinn bókfærður á genginu 6. Salan mun styrkja fjárhag sveitarfélagsins verulega en heildar vaxtaberandi skuldir þess í lok síðasta árs, samkvæmt ársreikningi, voru um 940 milljónir króna.

Þó sveitarfélagið selji eignarhlut sinn í Granda þá hagnast það áfram á starfsemi félagsins á Vopnafirði, sem hefur gengið vel undanfarin misseri, ekki síst vinnslan á Makríl.

Arion banki á þriðjungshlut í Granda eftir að Ólafur Ólafsson missti hlut sinn til bankans. Sé mið tekið af þessum viðskiptum er virði hlutarins um 6,6 milljarðar króna og heildarvirði félagsins um 19,8 milljarðar króna.