Vopnafjörður / Forsíða

Blakgellur svífa

Þetta blaklið er búið að standa sig frábærlega

Eins og flestir kallmenn hér í þorpinu vita þá stunda konur hér á Vopnafirði blakíþróttina af miklum móð. Þær hafa staðið sig mjög vel á þeim blakmótum sem þær hafa tekið þátt í að undanförnu og gerðu góða ferð austur á firði um síðustu helgi en þar höfnuðu þær í 3 sæti á sterku blakmóti.
...
Meira

Jón Sigurðarson | 24.01.2012 - 17:32

Athugasemdir (2)

Lífið er Milljón.

Guðfinna og Steina að skrásetja og telja.

« 1 af 3 »

Það var allt að komast á skrið þegar ég kom við í Milljón í kvöld og allt gekk að óskum eftir Jólastoppið. Þetta er ágætis loðna en einhver átuvottur sagði einhver en vel hæf í frystingu. Þær Guðfinna og Steina voru á fullu að taka prufur, Víðir vakti yfir flokkurunum en Helgi M klappaði pokavélunum eins og um stelpu að norðan væri um að ræða. Vertíðin er vonandi komin á fullt og allir verða uppteknir fram á vorið, í vinnu.

Jón Sigurðarson | 05.01.2012 - 22:30

Athugasemdir (0)

Fyrsta loðnan komin í land á Vopnafirði.

Lundey við bryggju í hádeginu

« 1 af 2 »

Í hádeginu í dag kom Lundey NS með um 1000 tonn af fallegri loðnu sem veiddist Austur úr Langanesi. Fékkst aflinn í þremur holum svo eitthvað er að finna á svæðinu. Nokkur skip eru í hnapp austur af nesinu og eru að fá ágætis afla.

Jón Sigurðarson | 05.01.2012 - 13:48

Athugasemdir (0)

Varað við stormi.

Veðurstofa Íslands spáir aftakaveðri um allt land í dag, fyrst vestanlands, en svo mun verra fyrir norðan og austan þegar líður á daginn. Það er búið að vera austanfíla í morgun hér á Vopnafirði en núna er hann að snúa sér í suðvestan en það verður væntanlega gott veður fram yfir 18 en fljótlega eftir það gengur í norðvestan hvassviðri og það ætti að standa sem hæst á milli 21 og 23 en lægir svo fljótt og verður suðvestan gola í fyrramálið.

Jón Sigurðarson | 24.12.2011 - 11:14

Athugasemdir (0)

Kvenfélagið Lindin leitar eftir umsóknum.

Frá úthlutuninni í fyrra.

Nú er komið að árlegri úthlutun styrkja Menntasjóðs Lindarinnar. Þetta er í 14 skipti sem sjóðurinn styrkir námsfólk. Alls hafa 36 einstaklingar hlotið styrki, 35 konur og einn karl. Forgang að styrkjum hafa konur. Umsóknir skulu berast eigi síðar en 23. desember 2011 til Ágústu Þorkelsdóttur, Steingerðar Steingrímsdóttur eða Þórunnar Egilsdóttur.

Jón Sigurðarson | 08.12.2011 - 13:11

Athugasemdir (0)

Grunnskólabörn fá endurskinsmerki og Neyðarkall.

Hrönn og Jón með nokkrum hressum krökkum í morgun.

« 1 af 3 »

Í morgun fóru fulltrúar frá björgunarsveitinni Vopna og Slysavarnardeildinni Sjöfn í alla bekki grunnskólans á Vopnafirði og gáfu börnunum endurskinsmerki og Neyðarkall. Þessar heimsóknir eru hluti af árlegum forvarnarverkefnum slysavarnardeildarinnar Sjafnar og Vopni fékk fyrirtækin Bílar og Vélar, Bræður ehf og Háahraun til gefa Neyðarkallana. Mikil ánægja var meðal barnanna þegar Hrönn frá Sjöfn og Jón frá Vopna komu færandi hendi í morgun.

Sjáumst í umferðinni og notum endurskinsmerki.

Jón Sigurðarson | 07.12.2011 - 12:41

Athugasemdir (1)

Færslusafn frétta